Neels Grobbelaar

Hoof Uitvoerende beampte, Hoof Finansiële beampte, Direkteur, Belastingvennoot

LinkedIn

Neels is ’n mede-stigter van RiG adviesdienste, en vir jare het hy en Willem hul onderskeie vaardighede en kennis kombineer om kliënte met holistiese en geïntegreerde advies te bedien.

Neels is ’n geoktrooieerde rekenmeester en het sy B Compt (Hons) (STR) graad in 1992 aan die Vrystaat Universiteit verwerf. Hy is ’n geregistreerde lid van SAICA en IRBA. Hy het sy klerkskap by PWC gedoen, waar hy ook later bestuurder was. Sedert 1997 staan hy sy pa se skoene vol as belasting vennoot in die familie besigheid, T Roos & Kie. Hy is die stigter en ’n direkteur van die ouditeursfirma, ARC Sakhile Chartered Accountants and Auditors Free State Inc. en direkteur van die nasionale ouditeursfirma, ARC Sakhile Inc.

Buiten sy belasting kwalifikasies is Neels ook ’n gesertifiseerde finansiële adviseur (CFP®) met nagraadse diplomas in Boedelbeplanning en -administrasie, asook Finansiële Beplanning, en meer onlangs ook ’n professionele sertifikaat in internasionale belastingbeginsels. Hy het ’n voorliefde vir belasting, boedelbeplanning en familiebesigheid strukturering.

Neels is getroud met Elenor (ook ‘n geoktrooieerde rekenmeester), en hulle het twee seuns, CF en Innes.

Hennie du Plessis

Hoof Bestuursbeampte, Direkteur, Finansiële Adviseur

LinkedIn

Hennie het sy B.Com Rekeningkunde in 2012 aan die Vrystaat University verwerf, en aangegaan om sy klerkskap onder Neels by T Roos & Kie te voltooi, waarna hy in 2013 as ’n finansiële adviseur by RiG aangesluit het. Sedert die Port Elizabeth-kantoor sy deure in 2020 geopen het, is Hennie die takbestuurder van daardie kantoor.

Hy het nagraadse diplomas in Finansiële Beplanning, Beleggingsbeplanning en ook Boedel- en Trustadministrasie, en meer onlangs, ook ’n professionele sertifikaat in internasionale belastingbeginsels. He is ’n gesertifiseerde finansiële adviseur (CFP®), Professionele Rekenmeester (SAIPA) en fidusiêre praktisyn (FPSA®).

Hennie is getroud met Petro (’n arbeidsterapeut), en hulle het twee woelwater-seuntjies, Aaron en Hanro (en nog ’n kleinding op pad!).